O SE aliquid peccavi,

Quod, Maria, te amavi,

Nimiumque adoravi,

Nihil dico ad negandum,

Et piamen mihi dandum,

"Quia," inquam, "est peccandum."

Tibi carae genu flecto,

Pectus meum manu plecto,

Vultu lacrimis intecto.

Tuam lenitatem oro,

Ut ignoscas mi imploro,

Etsi non nefas ignoro.

Nam indignus semi-deus,

Et te ipse Sol aureus,

Nedum dignus amor meus-

Meum animum retundo

Vix, qui velox ut hirundo

Ad te volat, aut arundo.

Velut astra vult teredo,*

Velut umbras odit, te do

Cordi, ceteris discedo.

Alba manus gracilisque

Voti fert cupidinisque

Multum sinu labiisque.

Imprimendi; et saltantes

Pedes animos amantes

Inflammant et emicantes.

Voluptate cor permulces

Meum vocis sonos dulces

Exprimens. Nitore fulges,

Atque facies formosa

Castitate gratiosa,

Ut Aurora pudorosa,

Adorari semper debet,

Genibus flectendi praebet -

Studium, si quis videbit.

Oculi terrae terreni

Fantes flamma tamen eni-

Tent ridentes aut sereni.

Ergo, dulcis, te amare

Ausus sum, et adorare,

Et amorem praedicare.

HARVARDINUS.

*"The desire of the moth for the star." - SHELLEY.

- "Lend the knees desire to kneel."